Аԥсны Аҳәынҭқарра, ақ. Аҟәа, Лакоба им., 21 

XX ашә. 30-тәи ашықәсқәа рзы абаҩхатәра змаз амузыкант К. Ковач ибзоурала иаҧҵан Аҧсны Аҳәынҭқарратә симфониатә оркестр. Уи иара раҧхьатәи дирижиорсгьы дыҟан. Абри инаркны аҧсуа жәлар рыпрофессионалтә музыка аҿиара хацыркхоит.

Акомпозитор иеизигоз аҧсуа музыкатә фольклор шьаҭас иаҭаны, иаҧҵахо иалагоит аклассика инаваргыланы оркестр арепертуар шьақәзыргылоз арҿиамҭақәа.

Асимфониатә оркестр аконцерттә усураҟны активла иалахәуп Аҟәа ақ. амузыкатә техникум астудентцәа – авокалистцәа аинструменталистцәа. Аҧсны Жәларкомиссариат ахантәаҩы Н. Лакоба иааҧхьарала Москвеи Ленингради ақалақьқәа рыҟнытә иаауеит апрофессионалтә музыкантцәа. Аоркестр дирижиорс даман, уи арҿиаратә хырхарҭа шьақәзыргылоз СССР жәлар рартист О. Димитриади.

1937 ш. арепрессиақәа ирыхҟьаны К. Ковач Аҧсны дықәҵны дцар акәхоит, усҟан аколлективгьы хыбгалеит.

Аоркестр еиҭашьақәыргылан Л. Џьергениа ибзоураны. 1957 ш. инаркны 1971 ш.-нӡа уи сахьаркыратә напхгаҩыси дирижиор хадаси дамоуп. Уи ашьҭахь аоркестр напхгара азиуеит Аҧсны аҟазара зҽаҧсазтәыз, адирижиор Иа. Иманов.

Аоркестр арепертуар хаданы иҟан аҧсуа композиторцәа: А. Чичба, Р. Гәымба, Т. Аџьапуа, П. Петров, Л. Чепелиански уб. егь. раҧҵамҭақәа.

Асимфониатә оркестри Аҧснытәи аҳәынҭқарратә филармониа асолистцәеи еимадоуп – аҧсны жәлар рартистцәа Л. Логәуа, Б. Амыҷба, А. Аҩыӡба, Т. Кәакәасқьыр, артистра зҽаҧсатәыз Ж. Бумбуриди уҳәа уб. егь. рыла. Абри аамҭазы Аҧсны раҧхьаӡакәны иқәыргылоуп Д. Верди иопера «Травиата». Аопера дирижиорс иамоуп Урыстәыла зҽаҧсазтәыз аусзуҩы Г. Дмитриаки Аҧсны аҟазара зҽаҧсазтәыз аусзуҩы А. Ҳагбеи.

1979 ш. аоркестр дирижиорс иаман Л. Џьергениеи А. Ҳагбеи.

80-тәи ашықәсқәа рзы раҧхьаӡакәны аҧсышәала иқәыргылан Д. Шведов иопера «Аламыс». Аопера дирижиорс даман – Аҧсны Аҳәынҭқарра жәлар рартист Л. Џьергениа, арежиссер-ақәыргылаҩ – аҟазара зҽаҧсазтәыз аусзуҩы Д. Кәартаа.

Иеиуеиҧшым аамҭақәа рзы аоркест дирижиорра азыруан иеицырдыруа аҟазацәа – В. Судаков, Л. Мостолаев, Эррере де ля Фуэнте уб. егь.

1992-1993 шш. Аҧсны Жәлар рџьынтәылатә еибашьра ашьҭахь 1995ш. Аҳәынҭқарратә камертә оркестрны иеиҭашьақәыргылан. Уи напхгара арҭон В. Аиба и А. Ҳагба.

2012 ш. ҧхынҷкәынмзазы акультура аминистр идҵала аоркестр адиректорс даҭоуп Ҳагҧҳа Елена Анатоли-иҧҳа. Аоркестр адирижиор хадаси асахьаркыратә напхгаҩыси дыҟоуп Аԥсны жәлар рартист Терзиан Давид Ваге-иҧа.

Аимадарақәа: +7(940)960-54-69, +7(940)961-10-86 e-mail: Hierdie e-posadres word van Spambotte beskerm. Jy moet JavaScript ontsper om dit te lees.

Last modified on Donderdag, 10 Цәыббра 2020 12:19
Геоинформационная система

Полезные ссылки

Ажурнал "АԤСНЫ АҞАЗАРА"

АЖӘАБЖЬҚӘА РАРХИВ

« Рашәара 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Облако тэгов

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
МИНИСТЕРСТВО ЭКОНОМИКИ РЕСПУБЛИКИ АБХАЗИЯ<br>Официальный сайт
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
ВСЯ АБХАЗИЯ<br>Официальный сайт

АМИНИСТРРАЗЫ

Министерство культуры Республики Абхазия является центральным органом государственного управления, осуществляющим функции по выработке и реализации государственной политики в сфере культуры, искусства, историко-культурного наследия.

АИМАДАРАҚӘА

Аҧсны Аҳәынҭқарра

384900, ақ. Аҟәа, Лакәаба им. 21

Аҭел: +7(840) 229-75-42.

E-mail: mc_ra@mail.ru