Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

 
 
Ахәыҷтәы ансамбль «Гагрыҧшь» XIV Жәларбжьаратәи аиндаҭлара «Ҳәаа змаӡам» ахраҿа иаиааит 10.11.2017

Ахәыҷтәы ансамбль «Гагрыҧшь» XIV Жәларбжьаратәи аиндаҭлара «Ҳәаа змаӡам» ахраҿа иаиааит

Афестиваль-аиндаҭлара «Ҳәаа змаӡам» - ҳаҭыр змоу, ахәыҷқәеи ахьыбҿари злахәу аҟазараҟны жәларбжьаратәи аиндаҭлара асистема ауп.

Апроект хықәкы хадас иамоуп аиҳа аҟыбаҩ змоу аҿар ралҧшаара, хкырацәала еиуеиҧшым амилаҭтә культурақәа ахәаҧшцәа рыдгалара, аҟазара ацхыраарала ажәларқәа рыбжьара аиҩызаратә еимадарақәа рырҕәҕәара, урҭ рытрадициақәеи рҵасқәеи реиқәырхара.

«Сынтәатәи ашықәс ҳансамбль азы ииубилеитәуп, Санкт-Петербург имҩаҧысуаз ахәыҷтәы ҟазара афестиваль ҳахалахәыз ҳара ҳзы иҳаҭыр дууп. Ҳансамбль иалахәуп 100-ҩы уаа ахәыҷқәа, зегь реиҳа иреиҵоу илхыҵуеит ҩы-шықәсеи аамзи. Ҳара иҳалшеит ҳансамбль шынеибакәу афестиваль ахь ацара», – иазгәалҭеит ансамбль администратор Раиса Арсҭааҧҳа.

Ансамбль «Гагрыҧшь» изныкымкәа рхы аладырхәхьеит Санкт-Петербургтәи афестиваль, аколлектив иара убас ианашьанан асертификати аџьшьаратә шәҟәқәеи.

  


Шьҭахьҟа