Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

 
 
Ииуль 24-30 рзы имҩаҧысит «Аҧсны ашьхара иҟоу ауаҩы игыларҭақәа» ҳәа хьӡыс измоу аҩбатәи аекспедициа Ӡыхәа ашьхарахь 31.07.2017

Ииуль 24-30 рзы имҩаҧысит «Аҧсны ашьхара иҟоу ауаҩы игыларҭақәа» ҳәа хьӡыс измоу аҩбатәи аекспедициа Ӡыхәа ашьхарахь

Аекспедициа мҩаҧыргеит Акультуреи аҭоурых-культуратә ҭынха ахьчареи рминистрра, Афонд «Ашьхаратәи Аҧсны», 2016-2018 шықәсқәа рзтәи Аҳәынҭқарратә программа «Аҧсны Аҳәынҭқарра Аҭоурых-культуратә ҭынха аобиектқәа ашәҟәрҭагалара» аҳәаақәа ирҭагӡаны.

Аекспедициа иалахәын Аҧсны акультура аминистр лхаҭыҧуа, аҭоурх-культуратә ҭынха ахьчара адепартамент аиҳабы Баҭал Кәабахьиа, аҭоурх-культуратә ҭынха ахьчара адепартамент аспециалист хада Инал Џьопуа, Афонд «Ашьхаратәи Аҧсны» адиректор Ҭенгиз Ҭарба, афонд аусзуҩ Сергеи Иазвински, асахьаҭыхҩы, аҭоурыхҭҵааҩ Баҭал Џьапуа, атопограф Станислав Чудинов.

Акультура аминистр лхаҭыҧуаҩ, аҭоурх-культуратә ҭынха ахьчара адепартамент аиҳабы Баҭал Кәабахьиа иажәақәа рыла, ашьха Ӡыхәа аҩхааҟны иазгәаҭан аҵангәарақәа 41, насгьы зеиҧшыҟам аҧшаамҭа – ахаҳә иалхны ахәшҭаара. Аиҧш зеиҧшу ахаҳәтә хәшҭаара уажәраанӡа ацангәарақәа рҿы ирымҧыхьашәаӡацызт. Ӡыхәа акаҵәара аҩахыс иҧшаан хә-ацангәараки даҽа хаҳәтәы хәышҭаараки. Арҭ аҧшаахқәа анаҩстәи аекспедициақәа иҭырҵаауеит.

Апроект «Аҧсны ашьхара иҟоу ауаҩы игыларҭақәа» аҳәаақәа ирҭагӡаны, Афонд «Ашьхаратәи Аҧсны» алархәны, аҧхыни ҭагалани имҩаҧысуеит хә-експедициак анеирҭа ахьыцәгьоу Аҧсны ашьха ҭыҧқәа рышҟа. Иҭҵаахоит ажәытә ауаҩы игыларҭақәа, инхарҭақәа, ацангәарақәа, амаденҵхырҭақәа.

Апроект агеографиа: Хымса, Ӡыхәа, Аданга, Санчар, Марыхә.

Апроект аҧшьнагеит Аҧсны Аҳәынҭқарра акультуреи аҭоурых-культуратә ҭынха ахьчареи рминистрра, «Аҧсны ашьхаратәи археологиатә обиектқәа ашәҟәрҭагалара» апрограмма назыгӡо.

Актәи аекспедициа мҩаҧысуан Хымса аҩхаахь ииуль 3-9 рзы. Аекспедициа иалагӡан иҭҵаан 150 обиектқәа. Урҭ анаҩсан Аҭоурых-культуратә ҭынха рҳәынҭқарратә сиа иҭагалахоит.

 


Шьҭахьҟа