Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

 
 
Ансамбль «Абаза» ианашьоуп Гран-при АДУНЕИ АРЕНА 2017 «EUROGRADE» аҟны 25.07.2017

Ансамбль «Абаза» ианашьоуп Гран-при АДУНЕИ АРЕНА 2017 «EUROGRADE» аҟны

Аҳәынҭқарратә ахәыҷтәы акәашаратә ансамбль «Абаза» ианашьоуп Гран-при АДУНЕИ АРЕНА 2017 «EUROGRADE» аҟны «жәлар рхореографиа» аноминациаҿы.

Иара убас авокал аноминациаҟны аиааира лгеит Аҧсны жәлар рартист Манана Шамҧҳа лҵаҩы Диана Ҷкадуаҧҳа.

Ансамбль асахьаркыратә напхгаҩы Циала Ҷкадуаҧҳа лажәақәа рыла, афестиваль апрограмма шьақәгылан еиуеиҧшым аиндаҭларақәа рыла, уаҟа иалырхуан еиуеиҧшым аноминациақәа рҟны иреиҕьу.

«Гәахәа ду ҳнаҭеит, аиндаҭларақәа зегьы рҿы ҳхәыҷқәа актәи аҭыҧқәа ахьааныркылоз, анаҩс афестиваль иреиҳау аҳамҭа Гран-при ахьранаршьаз», – азгәалҭеит Циала Ҷкадуаҧҳа.

Афестиваль мҩаҧысуан ииуль 10 инаркны 20-нӡа Болгариатәи ақалақь Созополь аҟны. Афестиваль иалахәын 18 коллективқәа еиуеиҧшым аҳәынҭқаррақәа рҟынтә.

Ансамбль «Абаза» афестиваль ахь ацара алшара роуит Аҧсны Аҳәынҭқарра Ахада Рауль Ҳаџьымба ицхыраарала.


Шьҭахьҟа