Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

 
 
Аҧсуа ҳәынҭқарратә бираҟ Амш иазкыз аныҳәатә концерт мҩаҧысит Аҟәа 24.07.2017

Аҧсуа ҳәынҭқарратә бираҟ Амш иазкыз аныҳәатә концерт мҩаҧысит Аҟәа

Ииуль 23 аҽны Р. Гәымба ихьӡ зху Аҧснытәи аҳәынҭқарратә филармониаҟны имҩаҧысит аныҳәатә концерт. Аконцерт иалахәын акәашаратә, авокалтә гәыҧқәа, аҧсуа естрада ашәаҳәаҩцәа. Аконцерт мҩаҧысуанаҵы, еиҿкаан ишиашоу ицо аимадара – ателецҳа Аҟәа – Черқьесск – Ҭырқәтәыла.

«Ҳаҭыр зқәу аҩызцәа, азин сышәҭ адныҳәалара аҟаҵара. Иахьатәи арыцхә акрызҵазкуа хҭысуп Аҧсны аҭоурых ҿыц аҟны. Аҳәынҭқарратә бираҟ ҳажәлар рмилаҭтә-хақәиҭратә қәҧара, ихьыҧшым, иазхаҵоу ҳҳәынҭқарра ирсимволуп. Ҳара ҳзы игәахәа дууп, аҵак ҷыдагьы амоуп, иахьатәи ҳамшныҳәа ахьҳацеиҩыршо ҳашьцәа Ҟарачы-Черқьесктәи Ареспубликаҟнытә, насгьы аҳәаанырцә инхо ҳдиаспора», – азгәеиҭеит Беслан Барцыц.

Акультуреи аҭоурых-культуртә ҭынха ахьчареи рминистр Ельвира Арсалиаҧҳа лажәақәа рыла, Аҧсуа ҳәынҭқарратә бираҟ иазкыз агәырҕьаратә концерт аан еиҿкааз ателецҳа традициа бзиахеит. «Ари атрадициа ашьаҭа кын шықәсқәак раҧхьа. Уи алшара ҳанаҭоит ҳапроектқәа ргеографиа арҭбаара, ҳаибабара арҕәҕәоит. Ари зегь аныҳәа амҽхак еиҳа иарҭбаауеит», – азгәалҭеит Ельвира Арсалиаҧҳа.





Шьҭахьҟа