Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

 
 
Аҧсуа ҳәынҭқарратә музеи еиҿнакааит «Аҧсуа бираҟ ахроника» ҳәа хьӡыс измоу аекспозициа ажәҩан аҵаҟа 24.07.2017

Аҧсуа ҳәынҭқарратә музеи еиҿнакааит «Аҧсуа бираҟ ахроника» ҳәа хьӡыс измоу аекспозициа ажәҩан аҵаҟа

Ииуль 23 аҽны Аҧсуа ҳәынҭқарратә музеи аҿаҧхьа иҟоу абаҳчаҿы ицәыргақәҵан «Аҧсуа бираҟ ахроника» ҳәа хьӡыс измоу аекспозициа. Аекспозициа шьақәгылан ХIV-ХХ ашәышықәсақәа рыҩнуҵҟа Аҧсны иахаҧыруаз абираҟқәа рыла.

Аҳәынҭқарратә музеи ҳаамҭазтәи аҭоурых аҟәша аиҳабы Клара Гьерзмааҧҳа лажәақәа рыла, амузеи аҭаацәа даара иазҿлымҳауп ҳбираҟ аҭоурых, убри аҟнытә ирыӡбеит абас ала аҧсуа бираҟқәа рыхкы цәыргақәҵазарц.

«Амузеи иаӡбеит, ҳҳәынҭқарра аҭоурых иалагӡаны иахаҧыруаз абираҟқәа цәыргақәҵазарц. Урҭ еиқәыршәоуп еиуеиҧшым аамҭақәа рзы аҭоурыхҭҵааҩцәеи аныҟәаҩцәеи иаанрыжьыз ахҳәаақәа рыла. Ари ацәыргақәҵа ианакәзаалак иазҿлымҳауп ҳтәылауааи иаҳҭаауа асасцәеи», – иазгәалҭеит Клара Гьерзмааҧҳа.

Аекспозициа шьақәгылоуп 17 бираҟ рыла.


Шьҭахьҟа