Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

 
 
Аҭыҭын фирма ахыбра «Аҭынчра», Бауман К. И. иаптека

Аҭыҭын фирма ахыбра «Аҭынчра», Бауман К. И. иаптека

1914 шықәсазы  Колиубиакинеи Гьаргьи рымҩаҟны (уажәы Леон имҩа 17) иргылан х-етажкны иеихагылоу аҭыҭын фирма «Аҭынчра» иатәыз ахыбра. Ари афирма Аҟәа аҭыҭын фабрика аман, уигьы иара убас хьӡыс иаман. Ауаажәларра  русҳәарҭақәа рыдагьы ари ахыбраҟны иҟан: К.И. Бауман ихатәы аҧҭека (уажәы Аҟәатәи ақалақьтә аҧҭека № 1), абиблиотека, Н.Д. Гогиџанов иитәыз ашәҟәы дәқьани аусмҩаҧгаратә дәқьани, афирма «Зингер» адәқьан , В.А. Шаншеин иитәыз актәи акласс иаҵанакуаз иӡаху аҵкы адәқьан. Асоветтә аамҭазы аҭыҭын фирма «Аҭынчра» иатәыз ахыбраҟны иҟан “Аџьа ахан” ҳәа изышьҭаз, анаҩс, аџьажәлар рыҟнытә жәлар рдепутатцәа рықалақьтә советгьы.  

1950 шықәсазы Аҟәа ақалақь СССР аҟны акттәи аҭыҧ ааннакылеит ацқьареи аиҿкаашьеи рзы, Моссовет Аҟәатәи ақалақьтә совет ҳамҭас ианаҭеит ахыбра акупол иахаргылаз асааҭ ду,. 

Ҳазҭагылоу аамҭазы аҭыҭын магнат иитәыз ахыбраҟны иҟоуп Аҟәа ақалақь анапхгара. Аҭоурых-культуратә ҭынха абаҟа ареестртә номер 153 иаҵанакуеит.


Шьҭахьҟа