Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

 
 
Асасааирҭа «Еллада»

Асасааирҭа «Еллада»

1907 шықәсазы Акурорттә мҩаҟны (иахьа Папаскьыр имҩаҟны, 11) Аҟәатәи архитектор, анџьныр А.В. Синицын ипроект ала иргылан ҩ-еихагылак змоу ахыбра анеоклассицизм астиль ала. Иара аҭуџьар Е.А. Комнинои Аҟәатәи агәыҳаларатә уаажәларра ахаҭарнак иҧшәма ҧҳәыс Е.П. Комнинои иртәын,  1907 гшықәса инадыркны ари ахыбраҟны иҟан  20 уада змаз асасааирҭа (пансион)   уахыки ҽнаки аҧхьара мааҭк (1) инаркны хә-мааҭк (5)  рҟынӡа иаҧсаз. Асасааирҭа «Еллада» дахылаҧшуан А. В. Синицын, 1912 шықәса инадыркны   А. Д. Виндберг иахь ииасит ахылаҧшра. Ҭагалан 1916 шықәса инадыркны  асасааирҭа-пансион ахыбраҟны иҟан Аҟәатәи арҵаҩратә семинариа.

Арҵаҩратә семинариа  раҧхьатәи абжьаратәи арҵаҩратә ҵараиурҭан Аҧсны.  Асеминариаҟны иаартын аучилишье, уи С. Иа. Ҷанба еиҳабыс даман.  арҵаҩратә семинариаҟны аус руан иналукааша аҭҵаараддырра аусзуҩцәа  Д.И. Гәлиа, Н. С. Џьанашьиа, М. Т. Раннефт, П.А. Правдивцев, И. И. Запарожски.

Ҳазҭагылоу аамҭазы ари ахыбраҟны иҟоуп К. В. Ковач ихьӡ зху амузыкатә школ.   


Шьҭахьҟа