Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

 
 

АҦҞАРА

Аҧсны Аҳәынҭқарра акультура аминистрра   

I.  Азеиҧш ҧҟарақәа

1.1. Аҧсны Аҳәынҭқарра акультура аминистрра  акультуреи, аҟазареи, аҭоурых-культуратә ҭынхеи акинематографиеи рыҟәшаҟны аҳәынҭқарратә политика азырхиареи анагӡареи алзыршо аҳәынҭқарра напхгараҭараҿыихадоу усбарҭаны иҟоуп. 

1.2. Аҧсны Аҳәынҭқарра акультура аминистрра инанагӡоит Аҧсны Аҳәынҭқарраҿы амузеитә маҭәарқәеи аколлекциақәеи реиқәырхара, иацхраауеит акинематографиа, атеатртә, амузыкатә, ахореографиатә, асахьаҭыхратә, арҩычага-хархәагатә, аестрадатә ҟазареи акультура-рккаратә усура.

1.3. Аҧсны Аҳәынҭқарра акультура аминистрра аусураҿы Аҧсны Аконституциеи, аконституциатә закәанқәеи, Аҧсны азакәанқәеи, Аҧсны Ахада Идҵақәеи Инапынҵақәеи, Аҧсны Аминистрцәа реилазаара ақәҵарақәеи, абри Аҧҟареи ирықәныҟәоит.   

1.4. Акультура аминистрра иуристтә хаҿуп, иамоуп хазы игоу амазара, ахатә баланс, Аҧсны Аҳәынҭқарратә герб асахьа зны амҳәыр, аштампи иара ахьӡ змоу абланки, абанк аҿы ахыҧхьаӡаларҭақәа.

1.5. Аиуристтә ҭыӡҭыҧ: Аҧсны Аҳәынҭқарра, Аҟәа ақ. Лакоба имҩа, 21.

II. Ихадоу ауснагӡатәқәа

2.1. Аҧсны Аҳәынҭқарра акультура аминистрра ихадоу ауснагӡатәқәаны иҟоуп: 

- ауааҧсыра рдоуҳатәи, ркультуратәи ааӡараҿы акультура-рккаратә усбарҭақәа рроль ашьҭыхра;

- амилаҭтә ҵасқәеи ақьабзқәеи, афольклори, исахьарку анапҟазареи, акультуреи аҟазареи раҧҵамҭақәа, аҭоурых-культуратә ҵакы змоу аҭҵаарадырратә усура алҵшәақәеи, зыда ыҟам аҭоурых-культуратә ҭыҧқәеи аобиектқәеи реиқәырхареи рырҿиареи;

- аҳәынҭқарратә культуратә политика, акультура аҳәынҭқарра аганахьала адгылара аҭаразы азинтә ҧҟарақәеи аҳәынҭқарра арҿиаратә процессқәа раҽрыламгалара  апринципқәа рҳәаақәҵара; 

- акультуреи аҟазареи русбарҭақәа рматериалтә шьаҭа арҕәҕәареи арҿиареи. 

2.2. Аҧсны Аҳәынҭқарра акультура аминистрра  аусура мҩаҧнагоит Ашәҟәыҩҩцәа реидгылеи, Акомпозиторцәа реидгылеи, Асахьаҭыхҩцәа реидгылеи егьырҭ Аҧсны Аҳәынҭқарра арҿиаратә уаажәларратә еиҿкаарақәеи аусрыцурала. 

III. Аминистрра анапынҵақәа

3.1 Акультура аминистрра  ихадоу ауснагӡатәқәа рыӡбаразы инанагӡоит абарҭ анапынҵақәа:

- инанагӡоит акультура-рккаратә усбарҭақәа раҧҵареи рыҿиареи;

- акультура-массатә ланарҧшыгатә усмҩаҧгатәқәа рынагӡаразы азин ҟанаҵоит;

- иаҧнаҵоит иара анапҵаҟа иҟоу акультуреи аҟазареи русбарҭақәа рзы ахкытә ҧҟарақәа, аҧҟаҧҵәақәа;

- имҩаҧнагоит акультуреи аҟазареи русбарҭақәа рырҿиаратә, рырҵаҩратә, рнапхгаратә кадрқәа разшьаҭара;

- акультуразы аспециалистцәа рҭахра аанарҧшуеит, иеиҿнакаауеит урҭ разыҟаҵареи реиҭазыҟаҵареи, ишьҭнахуеит урҭ рыпрофессионлра, русутә  ҧышәа, арҿиаратә ҟазара;

- иеиҿнакаауеит иаҭаху арҵара-методикатә цхыраагӡақәа рҭыжьра,  иҭнажьуеит акультуреи аҟазареи  рыҟәшазы аилыркаа-информациатә материал;

-  иаҧнаҵоит аҳәынҭқарратә музеитәи абиблиотектаә фондқәеи реиқәырхаразы алшарақәа;

- иеиҿнакаауеит аҳәынҭқарратәи ахаҧшьгаратәи ансамбльқәа ргастрольқәа;

- иалнаршоит ҳәынҭқарратә маӡаны иҟоу иара иаҵанакуа адыррақәа рыхьчара;

- ишьақәнаргылоит активла иагьадгылоит акультура аминистрреи  ааигәеи харатәи аҳәаанҭыҵи иҟоу акультуратә центрқәеи рыбжьара аимадара;

- инанагӡоит акультура аҟәшаҟны Аҧсны Аҳәынҭқарра азакәанҧҵара анагӡашьа агәаҭара;

- имҩаҧнагоит азакәанҧҵаратәи егьырҭ анормативтә зинтә актқәеи рзы апроектқәа разырхиаразы аусура, иара убас ишьақәыргылоу аҧҟара инақәыршәаны иазнархиоит иагьцәырнагоит акультура аҟәша иаҵанакуа Аҧсны Аҳәынҭқарра азакәанҧҵара арҿыцразы ажәалагалақәа.

IV. Акультура аминистрра азинмчқәа 

4.1 Акультура аминистрра азин амоуп :

- иара иаҵанакуа аноративтә зинтә акт ҳасабла дҵаҳасабла, усҧҟаҳасабла, ҧҟараҳасабла, инструкциаҳасабла;

- ишьақәыргылоу аҧҟара инақәыршәаны акультура аминистрра иаҵанакуа азҵаарақәа рзы иаҭаху аӡбамҭақәза рыдкыларазы адыррақәа рзыҳәареи риуреи;

- Акультура аминистрра анапаҵаҟа иҟоу иара алшара ахьынӡамоу  аусбарҭақәа, аиҿкаарақәа, анаплакқәа русушьа агәаҭара;

- егьырҭ аҳәынҭқаррақәа русбарҭақәеи акультура аминистрреи рыбжьара акультуреи аҟазареи рыҟәшаҟны аусеицуразы аиқәшаҳаҭрақәа рыбжьаҵара;

- Акультура аминистрра аусзуҩцәа рзанааҭттә зыҟаҵара, рҧышәа аизырҳара, аҧышәахысра аиҿкаара;

- акультуратә хәышҭаарақәа русура зҿлымҳара азызуа аиҿкаарақәа аусеицура радҧхьалареи русура аҽалархәреи;

- ишьақәыргылоу аҧҟарақәа инарықәыршәаны Акультура аминистрра аусура иаҵанакуа азҵаарақәа рыӡбара аҭҵаарадырратәи егьырҭ аиҿкаарақәеи, аҵараауааи, аекспертцәеи, аспециалистцәеи радҧхьалара.

V. Акультура аминистрра аусура аиҿкаара

5.1. Аҧсны Аҳәынҭқарра Акультура аминистрра напхгара аиҭоит Аҧсны Аҳәынҭқарра Аминистрцәа реилазаара аҧыза-министр иқәиргыло Аҧсны Ахада змаҵура иаиҭогьы змаҵура иамихуагьы аминистр.

 5.2. Аминистр димоуп аҧыза-министр иқәиргыло Аҧсны Аҳәынҭқарра Аминистрцәа реилазаара змаҵура ианаҭогьы змаҵура иамызхуагьы аминистр ихаҭыҧуаҩ.

5.3. Аинистр хаҭала ҭакҧхықәра идуп Акультура аминистрра иаду ауснагӡатәқәеи анапынҵақәеи рынагӡаразы. 

5.4. Аминистр:

- Акультура аминистрреи уи анапаҵаҟа иҟоу аусбарҭақәеи, анаплакқәеи, аиҿкаарақәеи русура азеиҧш напхгара риҭоит;

-  ишьақәиргылоит хаҭыҧуаҩ иуснагӡатәқәа;;

- Аҧсны Аҳәынҭқарра Аминистрцәа реилазаара ахәаҧшразы ицәыригоит Акультура аминистрра аилазаашьеи, аштаттә еихшанҵеи;

- рмаҵура иаиҭоит рмаҵура иагьамихуеит Акультура аминистрра аусзуҩцәа ишьақәыргылоу аҧҟара инақәыршәаны;

- иҭижьуеит иара иҵанакуа адҵақәеи анапынҵақәеи;

- шьақәирҕәҕәоит Акультура аминистрра анапаҵаҟа иҟоу анаплакқәеи, аусбарҭақәеи, аиҿкаарақәеи рыҧҟарақәеи, рыҧҟаҧҵәақәеи;

- акультуреи аҟазареи русзуҩцәа аҳәынҭқарратә ҳамҭақәеи аҳаҭыртә хьыӡқәеи рыҭаразы иқәиргылоит ишьақәыргылоу аҧҟара инақәыршәаны.

5.5. Акультура аминистрраҟны ишьақәыргылахоит Аколлегиа Аминистр (ахантәаҩы), аминистр ихаҭыҧуаҩ, иара убас егьырҭ Акультура аминистрра анапаҵаҟа иҟоу аусбарҭақәеи, анаплакқәеи, аиҿкаарақәеи русзуҩцәа алархәны.

 Аколлегиа хаҭа-хаҭалатәи аилазаара шьақәырҕәҕәахоит Аҧсны Аҳәынҭқарра Аминистрцәа реилазаараҟны .

 

Аколлегиа еилацәажәаратә усбарҭоуп.

Аколлегиа аилатәарақәа рыҟны:

- ирылацәажәоит акультура аусбарҭақәа, арҿиаратә коллективқәа, арҵаратә усбарҭақәа напхагара рыҭара азҵаарақәа;

- имҩаҧнагоит акадрқәа ралхреи рхархәареи;

- ирзыӡырҩуеит Акультура аминистрра анапаҵаҟа иҟоу аусбарҭақәеи, аиҿкаарақәеи, анаплакқәеи раҳасабырбақәа . 

Акультура аминистрреи Аколлегиа алахәылаҩцәеи рыбжьара аҳәоуеиқәымшәара аныҟала, аӡбамҭа идикылоит аминистр,  ицәырҵыз аҳәоуеиқәымшәара атәы Аҧсны Аҳәынҭқарра Аминистрцәа реилазаара рҟынӡа инаганы. Аӡбамҭа иақәшаҳаҭым Аколлегиа алахәылаҩцәа иҷыдоу ргәаанагара рҳәар ҟалоит.

VI. Финансла аиқәыршәара

6.1. Акультура аминистрра аусура афинанстәи аматериалтә-техникатәи еиқәыршәара  алыршахоит аҳәынҭқарратә биуџьет ахарџь ала, аус зуа Аҧсны Аҳәынҭқарра азакәанҧҵара инақәыршәаны.    

VII. Аусура аанкылара

7.1. Акультура аминистрра аусура аанкылара мҩаҧгахоит Аҧсны Аҳәынҭқарра Ахада Иусҧҟала, иара убас аӡбара аӡбамҭала. 


«Аҧсны Аҳәынҭқарра Акультура аминистрразы» Аҧҟара Иацу.

Акультура аминистрра анапаҵаҟа иҟоу аусбарҭақәеи, аиҿкаарақәеи анаплакқәеи, реиқәыҧхьаӡа:

  1. С. Ҷанба ихьӡ зху Аҧснытәи аҳәынҭқарратә драматә театр;
  2. Аҳәынҭқарратә аурыс драма атеатр;
  3. Аҳәынҭқарратә аҿар ртеатр;
  4. Аҳәынҭқарратә Тҟәарчаләи акомедиа аҧсуа театр;
  5. Аҧснытәи аҳәынҭқарратә музеи;
  6. Амилаҭтә сахьаҭыхратә галереиа;
  7. Аҧснытәи аҳәынҭқарратә филармониа;
  8. Аҧсны зҽаԥсазтәыз аҳәынҭқарратә ашәаҳәаратә акәашаратә ансамбль;
  9. Аҳәынҭқарратә акәашартә ансамбль  «Шьараҭын»;
  10. Аҳәынҭқарратә акәашаратә ансамбль «Кавказ»;
  11. Аҳәынҭқарратә ахәыҷтәы хореографиатә ансамбль «Абаза».
  12. Аҳәынҭқарратә камертә оркестр;
  13. Аҳәынҭқарратә хортә капелла;
  14. А.Чичба ихьӡ зхуАҧснытәи амузыкатә ҵараиурҭа 
  15. Аҟәатәи акультураҵаралашаратә ҵараиурҭа;
  16. А. Чачба ихьӡ зху Аҟәатәи асахьаҭыхратә ҵараиурҭа;
  17. Аҳәынҭқарратә ареспубликатә аҿар рбиблиотека;
  18. И. Папасқьыр ихьӡ зху Амилаҭтә библиотека;
  19. И. Кортуа ихьӡ зху Жәлар рҟазара ареспубликатә центр;
  20. Акультуреи аҧсшьараамҭази арепубликатә центр;
  21. Акиностудиа «Аҧсуафильм»;
  22. Д. Гәлиа ихьӡ зху Алитература-мемориалтә музеи;
  23. Ахәыҷқәа рҟазара Аҩны «Аинар».