Аҧсны Аҳәынҭқарра
акультуреи аҭоурых-культуратә
ҭынха ахьчареи рминистрра

Министерство культуры и охраны
историко-культурного наследия
Республики Абхазия

Заалаҳәарақәа

ҼААНЫБЗИАЛА!

Ҳаҭыр зқәу акультура аусзуҩцәа, ҳкультуратә ҭынха ахьчара знапы алакыу зегьы!

Гәык-ԥсыкала ишәыдаҳныҳәалар ҳҭахыуп иааиуа 2018-тәи Ашықәс Ҿыци Қьырса ныҳәеи! <...

Инарҭбааны

 
 
 

Алеқсандр Шоуа ихҵоуп «Аҧсны зҽаҧсазтәыз артист» ҳәа ахьӡ ҳаракы

24.11.2017

Амузикатә ҟазараҟны иааирҧшыз аихьӡарақәеи ипрофессионалтә ҩаӡара ҳараки азгәаҭо, Аҧсны Аҳәынҭқарра Ахада Р. Ҳаџьымба иусҧҟала, Алеқсадр Виачеслав-иҵа Шоуа ихҵоуп «Аҧсны зҽаҧсазтәыз артист» ҳәа ахьӡ ҳаракы.

Инарҭбааны

 

Аҧсны Аҳәынҭқарра Акультуреи аҭоурых-культуратә ҭынха ахьчареи рминистрра ацхыраарала, Р. Гәымба ихьӡ зху Аҧснытәи аҳәынҭқарратә филармониаҟны имҩаҧысит аконцерт «Абаҩхатәрақәа реҵәаџьаа»

24.11.2017

Аконцерт еиҿнакааит И. Кортуа ихьӡ зху Аҧсны Жәлар рҟазара ареспубликатә центр. Ацентр аҧҵан 1954 шықәсазы, хықәкы хадас иамоуп аҧсуа жәлар рфольклор аҭҵаареи аиқәырхареи, есышықәсазтәи руснагӡатәқәа инарықәыршәаны имҩаҧнагоит еиуеиҧшым аҟазаратә еиндаҭларақәа.

Инарҭбааны

 

Урыстәыла зҽаҧсазтәыз акультура аусзуҩ, ауарҕанрҳәаҩы, П. И. Чаиковски ихьӡ зху аконсерваториа ауарҕани аклавесини ркафедра арҵаҩы Наталиа Малина илыхҵоуп «Аҧсны зҽаҧсазтәыз артист» ҳәа ахьӡ ҳаракы

24.11.2017

Аҧсны амузикатә культуреи аҟазареи арҿиаразы иҟалҵаз алагала ҳасаб азуны, Аҧсны Аҳәынҭқарра Ахада  Р. Џь. Ҳаџьымба аусҧҟа инапы аҵаиҩҩит, Наталиа Владимир-иҧҳа Малина «Аҧсны зҽаҧсазтәыз артист» ҳәа ахьӡ ҳаракы лыхҵазарц.

Инарҭбааны

 

Фазиль Искандер иҩымҭала иҭыху акиносахьа «Софичка» ианашьоуп Волоколамск имҩаҧысуаз Жәларбжьаратәи акино афестиваль Агран-при

23.11.2017

Волоколамск ақалақь аҟны иаатит аибашьреи апатриотизми ртематикала иҭыху акиносахьақәа ажәиҧшьтәи жәларбжьаратәи рфестиваль. Афестиваль иалахәын Урыстәыла, Белорусиа, Германиа, Индиа, Испаниа, Казахстан, Китаи, Кыргызстан, Еиду Арабтәи Аемиратқәа, Сириа, Америкатәи Еиду Аштатқәа, Ҭаџьикисҭан, Ҭырқәтәыла, Узбекисҭан, Чехиа, Франциа, Естониа рхаҭарнакцәа.

Инарҭбааны

 

Ноиабр 23 асааҭ 16.00 рзы Р. Гәымба ихьӡ зху Аҧснытәи аҳәынҭқарратә филармониаҟны имҩаҧысуеит аконцерт «Абаҩхатәрақәа реҵәаџьаа»

23.11.2017

Аконцерт еиҿнакаауеит И. Е. Кортуа ихьӡ зху Жәлар рҟазара ареспубликатә центр, Акультуреи аҭоурых-культуратә ҭынха ахьчареи рминистрра ацхыраарала. Аконцерт иалахәуп Жәлар рҟазара ацентр 2017 шықәсазы имҩаҧнагоз аиндаҭларатә программақәа рлауреатцәеи, рдипломантцәеи.

Инарҭбааны

 

Аҧсны Аҳәынҭқарра Ахада Р. Џь. Ҳаџьымба инапы аҵаиҩҩит Ақәҵара авокалтә-инструменттә ансамбль «Аҧсны – 67» алахәылацәа «Аҧсны зҽаҧсазтәыз артист» ҳәа ахьӡ ҳаракы ранашьаразы

22.11.2017

Аҧсуа музикатә ҟазараҟны иҟарҵаз алагалеи апрофессионализм ҳараки азгәаҭо, авокалтә-инструменттә ансамбль «Аҧсны – 67» артистцәа Бебиа Геннади Владимир-иҧеи Гагулиа Рафаель Михаил-иҧеи иранашьоуп ахьӡ ҳаракы – «Аҧсны зҽаҧсазтәыз артист».

Инарҭбааны

 

Ноиабр 21 рзы Аҧсны Аҳәынҭқарра Аминистрцәа Реилазаара рконференц-зал аҟны имҩаҧысит раҧхьатәи аҧсуа археолог-кавказҭҵааҩы М. М. Ҭраҧшь 100 шықәса ихыҵра иазку аконференциа

21.11.2017

Ҭраҧшь Михаил Мамед-иҧа – иналукааша аҧсуа археолог, ирацәоуп аҧсуа археологиа аҿиараҟны иҟаиҵаз алагала. Аҧсны ажәытә ҭоурых иазку хә-змаӡам археологиатә ҭҵаарақәеи, анаукатә усумҭақәеи дравторуп.

Инарҭбааны

 

Новости 22 - 28 of 261
First | Prev. | 2 3 4 5 6 | Next | Last All